左 ： 好 好 味 ！ 、 右 ： 我 都 好 鍾 意 食 ！

記 得 以 前 ， 無 論 任 何 節 日 都 是 送 藍 罐 曲 奇 ， 曲 奇 好 像 成 了 送 禮 的 標 記 。
時 至 今 日 ， 送 罐 裝 曲 奇 仍 是 潮 流 ， 仲 要 係 人 手 造 曲 奇 ！ 只 要 打 開 個 得 意 啤 啤 罐 ， 你 就 會 感 受 到 手 造 曲 奇 的 震 撼 — 唔 食 曲 奇 的 同 事 A 猛 話 ： 「 好 香 牛 油 味 ！ 」 極 之 為 食 的 同 事 B 又 話 ： 「 嘩 ！ 入 口 即 溶 ！ 」 其 他 的 同 事 CDEFG 則 只 顧 點 頭 猛 咁 食 ！ 不 消 半 個 鐘 食 晒 朋 友 送 給 我 的 兩 罐 曲 奇 。
如 此 滋 味 的 曲 奇 ， 來 自 赤 柱 的 「 Jenny Bakery 」 ， 老 闆 Jenny 日 日 親 手 造 餅 ， 造 到 街 知 巷 聞 ！ 在 零 宣 傳 下 ， 單 靠 口 碑 ， 人 傳 人 都 可 以 日 賣 二 百 磅 餅 ， 一 年 開 兩 店 ， 更 月 賺 十 萬 。 人 手 造 餅 ， 果 然 零 舍 不 同 ！

「 之 前 有 朋 友 請 過 我 食 ， 覺 得 好 好 味 ， 比 其 他 曲 奇 味 濃 ， 而 且 好 鬆 脆 ， 今 次 特 登 由 市 區 入 買 兩 罐 ， 想 試 晒 所 有 味 。 」 程 小 姐 說 。
記 者 像 程 小 姐 一 樣 ， 同 樣 收 過 朋 友 送 來 印 可 愛 熊 公 仔 的 罐 裝 曲 奇 ， 只 看 包 裝 還 以 為 是 來 路 貨 ， 一 打 開 蓋 ， 濃 郁 的 牛 油 香 氣 四 溢 ， 食 慾 立 即 大 增 ， 曲 奇 口 感 異 常 鬆 化 ， 恍 如 入 口 即 溶 ， 令 我 不 停 口 狂 食 。
曲 奇 原 來 是 本 地 出 品 ， 記 者 循 地 址 追 尋 至 赤 柱 的 「 Jenny Bakery 」 ， 該 店 位 處 赤 柱 新 街 二 樓 ， 地 點 頗 難 找 。 店 面 只 有 二 百 餘 呎 ， 雖 沒 有 花 巧 的 裝 潢 ， 但 是 一 推 開 門 ， 已 傳 來 香 濃 的 曲 奇 味 。 店 子 雖 小 ， 但 客 人 川 流 不 息 ， 短 短 一 小 時 ， 已 賣 出 十 多 罐 曲 奇 。

Jenny 堅 持 人 手 唧 花 ， 每 日 要 唧 過 千 塊 牛 油 曲 奇 ， 試 過 手 痛 了 幾 日 。	4mix 純 味 曲 奇 ︰ 咖 啡 曲 奇 、 純 牛 油 曲 奇 製 法 是 搓 好 麵 粉 後 ， 直 接 唧 花 ， 口 感 鬆 化 。 共 有 4 款 口 味 ， 咖 啡 、 提 子 燕 麥 、 牛 油 及 純 牛 油 。	8mix 果 仁 曲 奇 ︰ 純 合 桃 麵 糰 要 雪 藏 及 切 片 ， 加 入 不 同 果 仁 烘 焙 ， 入 口 鬆 脆 香 口 。 共 有 8 款 口 味 。
咖 啡 杏 仁

開 業 一 年 多 ， 老 闆 娘 Jenny 所 造 的 曲 奇 ， 已 由 日 賣 數 十 磅 增 加 到 現 時 二 百 磅 ， 為 應 付 訂 單 ， Jenny 剛 把 舊 餅 房 擴 大 一 倍 ， 還 在 銅 鑼 灣 開 設 分 店 。 「 我 十 月 開 始 ， 已 經 接 到 好 多 聖 誕 節 同 新 年 的 訂 單 ， 一 日 要 生 產 幾 百 磅 曲 奇 ， 好 似 舊 年 淨 係 一 個 聖 誕 節 ， 訂 單 已 超 過 一 千 罐 ， 好 多 公 司 一 訂 幾 十 罐 ， 日 日 開 工 都 做 唔 切 ， 到 十 二 月 只 好 唔 再 接 order 。 」 許 多 人 專 程 開 車 到 赤 柱 ， 一 掃 幾 十 罐 曲 奇 ， 而 為 方 便 客 人 ， 訂 購 滿 一 千 元 便 可 送 貨 。 現 時 店 鋪 每 月 盈 利 約 十 萬 ， 節 日 高 峰 期 更 超 過 十 萬 。
曲 奇 之 所 以 與 別 不 同 ， 全 因 homemade 關 係 ， 不 論 是 量 度 材 料 、 篩 麵 粉 、 切 果 仁 、 批 果 皮 等 ， 全 部 都 是 人 手 做 。 店 內 設 有 工 場 ， 即 場 烘 焗 曲 奇 ， 「 因 為 機 器 造 出 味 道 始 終 唔 夠 好 ， 好 似 果 仁 咁 ， 要 切 得 粒 粒 唔 同 大 細 先 有 口 感 。 而 將 曲 奇 用 人 手 唧 花 ， 粒 粒 先 至 會 唔 同 樣 ， 唔 會 好 似 倒 模 一 樣 。 我 每 日 十 點 開 鋪 就 開 始 整 曲 奇 ， 直 到 六 點 幾 收 鋪 為 止 。 」 Jenny 一 邊 忙 把 材 料 切 片 ， 一 邊 說 。
現 時 店 內 請 來 五 、 六 個 兼 職 員 工 協 助 切 果 仁 、 包 裝 等 工 作 。 要 求 甚 為 嚴 格 的 Jenny ， 量 度 材 料 和 搓 粉 ， 仍 堅 持 自 己 親 手 做 。 「 因 為 造 曲 奇 好 講 手 勢 同 經 驗 ， 我 驚 佢 做 唔 到 我 要 求 。 」 除 了 全 人 手 做 ， Jenny 選 用 的 材 料 也 不 馬 虎 。 她 寧 用 比 坊 間 貴 兩 成 的 新 西 蘭 牛 油 ， 貪 牛 油 味 特 濃 ， 又 會 在 低 筋 麵 粉 中 加 入 三 分 一 無 筋 麵 粉 ， 令 曲 奇 入 口 更 鬆 化 。 果 仁 也 用 美 國 貨 ， 因 味 道 較 香 。 現 時 曲 奇 款 式 多 達 十 多 款 ， 如 最 出 名 的 牛 油 味 及 咖 啡 味 ， 另 有 橙 皮 合 桃 、 榛 子 夏 威 夷 果 仁 、 杏 仁 罌 粟 子 等 。

曲 奇 罐 印 上 Jenny 最 愛 的 啤 啤 熊 ， 成 為 了 店 鋪 標 誌 。 曲 奇 有 分 4 mix （ 純 味 曲 奇 ） $50/ 磅 ， 8 mix （ 果 仁 曲 奇 ） $70/ 磅 。

特 別 為 聖 誕 推 出 的 限 定 版 啤 啤 罐 ， 很 有 節 日 氣 氛 。

至 於 曲 奇 的 包 裝 亦 是 吸 引 之 處 ， 由 於 Jenny 所 造 的 曲 奇 特 別 鬆 化 ， 若 用 透 明 袋 或 紙 袋 盛 載 ， 便 容 易 粉 碎 ， 而 且 亦 不 可 保 存 太 久 ， 所 以 Jenny 特 別 訂 購 了 這 批 啤 啤 鐵 罐 。 「 罐 成 本 好 高 ， 一 個 要 約 八 蚊 ， 但 係 我 覺 得 用 罐 裝 住 曲 奇 ， 感 覺 好 靚 ， 可 以 當 作 禮 物 送 畀 親 友 。 」
誰 知 此 舉 令 啤 啤 熊 罐 成 了 「 Jenny Bakery 」 的 曲 奇 生 招 牌 ， 成 了 推 廣 的 標 誌 ， 「 好 多 客 未 必 講 得 出 我 個 鋪 名 ， 但 一 定 認 得 個 啤 啤 熊 罐 。 」 故 此 ， Jenny 會 因 應 不 同 節 日 如 聖 誕 節 ， 而 訂 購 不 同 的 啤 啤 罐 ， 配 合 節 日 氣 氛 。 「 間 廠 有 時 仲 會 送 一 唔 同 形 狀 和 圖 案 雜 罐 畀 我 ， 等 客 人 可 以 揀 心 水 罐 ， 唔 使 成 日 一 樣 ， 多 新 鮮 感 之 餘 ， 仲 可 以 儲 起 佢 裝 。 」 像 記 者 的 辦 公 室 案 頭 ， 便 放 滿 了 五 、 六 個 不 同 款 的 曲 奇 罐 ， 可 用 來 放 小 文 具 。

小 店 內 經 常 擠 滿 客 人 ， Jenny 丈 夫 （ 左 ） 有 空 也 會 到 店 內 幫 手 。	客 人 程 小 姐 ： 「 之 前 朋 友 送 罐 曲 奇 畀 我 ， 我 一 見 個 罐 已 經 好 鍾 意 ， 食 落 味 道 好 香 濃 ， 果 仁 又 多 又 大 粒 ， 半 個 鐘 就 食 晒 成 罐 。 」	孖 寶 芝 士 餅 （ 前 ） $18 店 內 每 日 供 應 約 8 款 芝 士 餅 ， 孖 寶 芝 士 餅 充 滿 咖 啡 和 朱 古 力 味 ， 口 感 幼 滑 。
鳳 梨 卷 $65/ 罐 用 新 鮮 鳳 梨 做 餡 ， 不 含 防 腐 劑 ， 需 於 一 星 期 內 進 食 。

Jenny 本 身 是 馬 來 西 亞 華 僑 ， 以 前 從 事 製 衣 生 意 ， 後 來 跟 隨 丈 夫 來 港 ， 沙 士 後 結 束 製 衣 生 意 ， 打 算 退 休 ， 閒 時 就 炮 製 蛋 糕 和 曲 奇 餅 。 「 我 由 細 到 大 都 好 鍾 意 整 蛋 糕 同 甜 品 ， 成 日 買 書 自 學 。 之 前 馬 來 西 亞 ， 有 個 朋 友 開 曲 奇 店 ， 我 就 日 日 跟 佢 學 。 」 一 直 以 為 女 人 愛 烹 飪 ， 家 人 和 親 人 最 有 口 福 ， 誰 知 Jenny 只 為 自 娛 。 「 我 先 生 同 仔 女 都 唔 鍾 意 食 蛋 糕 同 曲 奇 ， 我 以 前 成 日 整 完 蛋 糕 ， 都 要 送 俾 隔 籬 屋 菲 傭 ， 因 為 連 我 屋 企 個 菲 傭 都 話 食 到 厭 。 」
雖 然 家 人 不 欣 賞 ， 但 是 好 總 有 人 賞 識 ， Jenny 的 朋 友 吃 過 她 造 的 曲 奇 讚 不 絕 口 ， 慢 慢 便 開 始 有 人 託 朋 友 訂 購 ， 開 始 了 Jenny 的 整 餅 生 涯 。 「 初 時 我 屋 企 整 ， 一 個 人 由 朝 早 六 、 七 點 開 始 ， 造 到 夜 晚 七 、 八 點 ， 切 果 仁 都 切 到 手 痛 。 」 後 來 訂 單 愈 來 愈 多 ， 已 超 過 一 個 人 的 負 荷 ， 她 才 萌 生 開 店 的 念 頭 。 「 我 先 生 起 初 都 唔 同 意 ， 驚 我 辛 苦 ， 又 驚 冇 生 意 ， 所 以 提 議 我 開 屋 企 附 近 ， 一 來 方 便 ， 二 來 赤 柱 租 平 ， 試 反 應 先 。 」
換 是 其 他 阿 太 ， 已 為 兩 子 之 母 的 Jenny 大 可 以 退 休 ， 舒 舒 服 服 湊 仔 ， 或 者 開 鋪 搵 人 打 理 便 算 ， 難 得 她 依 然 凡 事 親 力 親 為 ， 記 者 採 訪 當 日 ， 見 她 由 朝 到 晚 親 自 造 餅 、 接 單 ， 造 唔 切 還 會 拿 回 家 包 裝 ， 再 辛 辛 苦 苦 揪 幾 十 罐 曲 奇 回 來 。
除 了 曲 奇 ， 她 每 日 還 會 homemade 其 他 糕 點 ， 如 cheesecake 、 鳳 梨 卷 、 杏 仁 片 等 ， 令 記 者 嘖 嘖 稱 奇 。 「 有 興 趣 就 唔 怕 辛 苦 ， 以 前 我 做 製 衣 ， 冇 乜 滿 足 感 ， 家 造 出 的 曲 奇 ， 有 人 讚 ， 我 就 會 好 開 心 ， 呢 有 錢 都 買 唔 到 。 」 她 說 完 ， 親 切 地 把 新 鮮 出 爐 的 曲 奇 遞 給 記 者 ， 聽 到 記 者 大 讚 好 味 ， 她 流 露 出 喜 悅 的 神 色 。